Bordi Drejtues

Drejtor i Bordit të Kolegjit “Pjetër Budit”, Prishtinë

Besim Ajeti ka titullin Master në Fakultetin e Arteve, Dega Aktrim, Universiteti “Hasan Prishtina”, Prishtinë 2010-2017. Ka themeluar: 1997 – Teatri Alternativ i Prishtinës; • 2002 – Festivali i Filmit të Kosovës “Hyjnesha në Fron”, (www.festfilkosova.com); • 2005 – Kolegjin “Pjetër Budi”, aktualisht Drejtor i Bordit (www.pjeterbudi-edu.com); • 2020, qershor, njëri nga themeluesit e Virtual Theatre Kososvo-Webiater; Ka realizuar mëse 30 role si aktor në shfaqje teatrale, filma artistike, seriale televizive; Producent dhe regjisor i disa show televizive, koreodrama, shfaqje teatrale, dokumentarë etj. Është vlerësuar lart si aktor nga kritikë të artit në festivale të ndryshme. I fundit dhe shumë i rënëdsishëm është çmimi për aktorin më të mirë në London International Film Festival 2020 për rolin kryesor në filmin Un’Ati- I’Father me regji të Mark Norfolk (https://www.filmfestinternational.com/best-lead-actor-in-a-foreign-language-film-antwerp-iff-2020/). Besim Ajeti është model i bashkëshortit të mirë dhe baba i shkëlqyeshëm i tre fëmijëve, Anëzotikës, Uliksit dhe Katerinës.

Naim Huruglica – Ekspert i Lartë në Politikë Tregtare dhe Menaxhim Doganor

Naim Huruglica është një profesionist me përvojë të gjerë në fushën e politikave tregtare, lehtësimit të tregtisë dhe menaxhimit doganor, me mbi 25 vjet përvojë në sektorin publik dhe privat.

Përvoja Profesionale

Partner menaxhues – IRON Consulting Sh.p.k (01/2014 – )

Këshillon bizneset vendore dhe ndërkombëtare për menaxhimin e bizneseve në Kosovë.
Ofron këshilla dhe mbështetje për hartimin dhe implementimin e politikave fiskale dhe tregtare në Kosovë.
Ligjërues në seminare dhe punëtori për Marrëveshjen e Stabilizim-Asociimit (MSA), CEFTA, dhe procedurat e eksportit.

Ligjërues në Kolegjin “Pjetër Budi” (2013-2021)

Ekspert i Lartë në Projekte të Financuara nga Organizata Ndërkombëtare (2014 – 2024)
Ka qenë i angazhuar në projekte të financuara nga Banka Botërore, GIZ, USAID, dhe Bashkimi Evropian, duke ndihmuar në zhvillimin e politikave ekonomike dhe reformave tregtare në Kosovë.

Mbështetje për Ministrinë e Bujqësisë, Pylltarisë dhe Zhvillimit Rural për forcimin e kapaciteteve në hartimin e politikave.
Analizë e barrierave jotarifore për eksportuesit kosovarë dhe rekomandime për politika përmirësuese.
Trajnime për bizneset kosovare mbi mundësitë e financimit dhe qasjen në tregjet ndërkombëtare.
Hartim i strategjive dhe asistencë për reformimin e politikave fiskale dhe doganore në Kosovë.

Drejtor i Përgjithshëm i Doganës së Kosovës (2008 – 2013)

Menaxhoi një organizatë me mbi 595 punonjës dhe një buxhet prej 10 milionë eurosh.
Mbikëqyri mbledhjen e të ardhurave prej 845 milionë eurosh, që përbënin 75% të të hyrave të buxhetit të Kosovës.
U angazhua në luftimin e ekonomisë informale dhe kontrabandës.
Udhëhoqi zbatimin e sistemit digjital të doganave ASYCUDA World.
Përfaqësoi Doganën e Kosovës në konferenca dhe forume ndërkombëtare.

Drejtor i Përgjithshëm i Shërbimit Doganor të Kosovës/UNMIK-ut (2007 – 2008)

U angazhua në krijimin e konceptit të Menaxhimit të Integruar të Kufirit.
Udhëhoqi organizatën me 570 punonjës dhe menaxhoi mbledhjen e 531 milionë eurove të ardhura doganore.