Programi i akredituar në Republikën e Kosovës dhe i vlerësuar me vlerësimet më të larta nga ekspertët ndërkombëtarë të akreditimit.

Secili prej jush dëshiron të jetë pjesë e zhvillimeve të përparuara në industrinë e turizmit dhe hotelierisë. Nëse keni ambicie të bëheni pjesë e këtyre zhvillimeve, duhet të pasuroni njohuritë tuaja duke vazhduar studimet në programin Akademik – Shkencor të Menaxhimit me specializim në Menaxhimin e Turizmit dhe Hotelerisë, duke marrë diplomë Master të njohur ndërkombëtarisht.

Nëse bëni zgjedhjen e duhur, shumë shpejt do të jeni në gjendje të punësoheni në sektorët e turizmit dhe hotelierisë, në agjencitë e udhëtimeve, hotelet, resortet dhe institucione të tjera që promovojnë dhe menaxhojnë turizmin dhe mikpritjen.

Në Kolegjin tonë, niveli Master i Menaxhimit të Turizmit dhe Hotelerisë zgjat dy vjet, përkatësisht mësimdhënia dhe hulumtimi shtrihen në katër semestra. 

Me staf profesional në fushën e Menaxhimit të Turizmit dhe Hotelerisë, do t’ju ofrohet trajnim profesional teorik dhe praktik. Pas përfundimit të këtij programi, ju aftësoheni për punë konkrete, pa nevojën e praktikës shtesë, dhe do të fitoni njohuri dhe aftësi pune në fusha të tilla si menaxhimi i hoteleve, planifikimi i turizmit, marketingu i turizmit, organizimi i ngjarjeve, dhe shërbimet e mikpritjes.