Një grup studentësh të Kolegjit “Pjetër Budi” kanë filluar realizimin e dy hulumtimeve në terren. I pari ka të bëjë me kënaqshmërinë e qytetarëve dhe bizneseve me shërbimet bankare. Ndërkaq, hulumtimi i dytë përfshin qytetarët kosovarë të ardhur nga diaspora.
Ata do të anketohen lidhur me problemet me të cilat ballafaqohen gjatë qëndrimit në Kosovë dhe për shpenzimet që i bëjnë brenda vitit për të ndihmuar famijarët e tyre në vendlindje.
Hulumtimet pritet të përfundojnë brenda dy javësh, ndërkaq rezultatet do të publikohen në fund të muajit gusht.
Hulumtimet janë pjesë përbërëse e rëndësishme e programeve studimore të Kolegjit “Pjetër Budi” dhe e punës praktike të studentëve.