Loading

Kategori: Lajme

Studentja Duresa Mustafa kryen praktikën profesionale në sektorin e Burimeve Njerëzore në Doganën e Kosovës.

 

Duresa Mustafa, studente në programin studimor Administrim Biznesi, përkatësisht specializimi Menaxhimi i Resurseve Njerëzore, është njëra nga studentet që është duke vijuar praktikën profesionale me pagesë në sektorin e Burimeve Njerëzore në Doganën e Kosovës. Praktika profesionale po kryhet në bazë të marrëveshjes së bashkëpunimit të nënshkruar nga Kolegji ‘’Pjeter Budi’’ me Ministrinë e Financave.

Studentja Duresa Mustafa theksoi se është shumë e lumtur që i është dhënë mundësia për kryerjen e praktikës tre mujore me pagesë, në sektorin e Burimeve Njerëzore në Doganën e Kosovës. Ajo theksoi se gjatë praktikës ka përfituar shumë njohuri praktike për menaxhimin e resurseve njerëzore,

“Ambienti dhe kushtet e punës që na i ka ofruar sektori i resurseve njerëzore në Doganën e Kosovës si dhe bashkëpunimi me kolegët na kanë ndihmuar që të arrijmë nivel të lartë të njohurive dhe shkathtësive praktike për menaxhimin e resurseve njerëzore”, theksoi më tej studentja Mustafa. Ajo ishte e ngazëllyer me mundësinë e ofruar dhe falënderoj Kolegjin ‘’Pjeter Budi’’ që ia ka mundësuar këtë eksperiencë.

Kolegji ‘’Pjeter Budi’’ gjithmonë është pranë dhe në shërbim të studentëve!

Na ndiqni ose bëni share postimet tona

Share this:

Studenti MA. Faton Sherifi punësohet në Shkollën e Mesme Ekonomike “Faik Konica” në Ferizaj


Studenti i Kolegjit “Pjetër Budi” – Prishtinë, MA. Faton Sherifi, pas përfundimit të procedurës së paraparë me ligj, është punësuar në Shkollën e Mesme Ekonomike “Faik Konica” në Ferizaj. Z. Sherifi është punësuar si mësimdhënës i lëndëve nga Turizmi dhe Hoteleria. Z. Sherifi, ka përfunduar studimet baçelor dhe master në Kolegjin “Pjetër Budi” – Prishtinë në drejtimin Menaxhim i Turizmit dhe Hotelerisë.
Kolegji “Pjetër Budi” – Prishtinë, i uron suksese dhe punë të mbarë!

Na ndiqni ose bëni share postimet tona

Share this:

Banka Botërore e fokusuar në energjetikë

Prishtinë, 5 qershor – Anëtarësimi i Kosovës në Bankën Botërore (BB) do t’i sjellë shumë të mira vendit. Më t’u bërë pjesë e BB-së, Kosova do të jetë në gjendje të tërheqë edhe organizata të tjera financiare dhe investitorë të mëdhenj, si dhe do të jetë pjesë e integruar e tregut global.
Megjithatë, vendi do të marrë edhe përgjegjësi, siç është kthimi i borxhit që i takon, si pjesë e ish-Jugosllavisë.
Kështu tha të premten Drejtori i Bankës Botërore në Kosovë, Ranjit Nayak, gjatë një bashkëbisedimi me studentët e Universitetit të Shkencave Organizative “Pjetër Budi”, në temën “Efektet e krizës ekonomike në Kosovë dhe strategjitë për luftimin e varfërisë”.
Sipas Nayakut, efektet e krizës globale po ndihen edhe në Kosovë: paratë nga disapora po zvogëlohen, eksportet janë në nivelin 3 për qind dhe janë duke rënë, ndërkohë që janë duke u zvogëluar edhe investimet e huaja direkte. Ai tha se mund të thuhet se Kosova ka pasur fat që kriza po ndodh tash, e jo pas 10 vjetësh, sepse me anëtarësimin në organizata ndërkombëtare vendi integrohet gjithnjë e më shumë në tregun financiar dhe, rrjedhimisht, preket më shumë nga kriza.
Banka Botërore, sipas shefit të saj në Kosovë, ka strategji për luftimin e varfërisë, strategji kjo e cila determinohet nga prioritetet e qeverisë, por merren parasysh edhe prioritetet e donatorëve të tjerë. Për dy vitet e ardhshme, kjo strategji është e fokusuar në fushën energjetike, investimet në bujqësi dhe ngritjen e kapaciteteve të qeverisë për menaxhimin e parave.
Nayak ka përmendur edhe investimet e bëra pas luftës në vend. Që nga atëherë, Banka Botërore e ka ndihmuar Kosovën me 200 milionë dollarë grante.
Na ndiqni ose bëni share postimet tona

Share this:

https://www.facebook.com/KolegjiPjeterBudi/?_rdc=1&_rdr
https://www.facebook.com/KolegjiPjeterBudi/?_rdc=1&_rdr
https://twitter.com/pjeter_budi
https://www.instagram.com/kolegjipjeterbudi/