Loading

Kategori: Aktivitete

Kolegji “Pjetër Budi” organizon kurs shtesë për IT

Njoftohen të gjithë studentët e të gjitha programeve të Kolegjit “Pjetër Budi”, të cilët janë të interesuar për çështje të ndryshme të IT-së (si për formatizimin e kompjuterëve, riparime të ndryshme në hardver, për ndërrimin e HDD memories, etj.) se Kolegji “Pjetër Budi” me datë 21.12.2017, ditë e enjte, prej orës 16:00, fillon organizimin e një kursi shtesë për IT me ekspertin e IT-së së Kolegjit “Pjetër Budi”, z. Muhamed Kastrati, ku do të demostrohen konkretisht shumë çështje të Teknologjisë Informative.Kursi është pa pagesë. Kolegji “Pjetër Budi” thjeshtë përmes këtij kursi ka për qëllim zgjerimin e njohurive të studentëve të tij për çështje të IT-së në mënyrë që të përdorët teknologjia në performancat e tyre, ashtu që rezultatet e punës së tyre të jenë më të mëdha në fushat që ata angazhohen.Ju mirëpresim.

Na ndiqni ose bëni share postimet tona

Share this:

Ligjeratë e praktikë për studentët në zyrat e doganës në Mitrovicë

Me datë 27.11.2017 dhe 04.12.2017 studentët e programit Doganë dhe Shpedicion, viti i dytë, kanë vizituar zyrat e Doganës në Mitrovicë ku kanë mbajtur ligjëratë dhe praktikë në lëndën “Sistemet Informative Doganore”. Këtu studenetët u njoftuar me aspektin praktik të funksionimit të Sistemit Informativ në Doganën e Kosovës. Puna me studentët ka qenë interaktive, është diskutuar për rolin dhe rëndësinë e funksionimit të sistemit Asycuda World – si program kryesor në punën e Doganës, është shpjeguar për rolin dhe ndikimin e TI-së dhe SI-së në ngritjen e punës profesionale, rritjen e efikasitetit të punës, rritjen e përgjegjësisë së zyrtarëve, uljen e burokracisë, etj.Studentët gjatë kësaj vizite e kanë parë aspektin praktik të funksionimit të sistemit informativ në institucion e Doganës si dhe janë njoftuar me “imputet”, përpunimin e të dhënave dhe me “outputet” për raste të caktuara.

Na ndiqni ose bëni share postimet tona

Share this:

Turnir futbolli 2017

Parlamenti studentor i Kolegjit ‘Pjetër Budi’ i përbërë prej përfaqësuesve të sapozgjedhur të studentëve, organizon TURNIR FUTBOLLI, i cili do të mbahet javën e ardhshme.Studentët që janë të interesuar mund të krijojnë ekipet e tyre dhe të regjistrohen te përfaqësuesi i ri i studentëve, Florian Aliu, prej datës 12.12.2017 deri më 15.12.2017, prej orës 15:00 deri në 17:00.Ekipi duhet të përbëhet prej gjashtë lojtarëve (5+1) dhe ekipi duhet ta ketë emrin e tij. Secili student mund të jetë pjesë vetëm e një ekipi.Për rrjedhën e mëtutjeshme të turnirit, si për hedhjen e shortit, orarin e lojërave, etj., do të njoftoheni me kohë.

Na ndiqni ose bëni share postimet tona

Share this:

U mbajt Panairi i Turizmit, Hotelerisë dhe Prodhimeve Vendore

Më se njëzet kompani janë prezantuar të premten në Panairin e Turizmit, Hotelerisë dhe Prodhimeve Vendore, që u organizua në Sheshin “Zahir Pajaziti” në Prishtinë.

Shërbimet dhe produktet e tyre i kanë prezantuar agjenci të ndryshme turistike, hoteliere dhe prodhues vendorë.

Panairi kishte për qëllim ndërtimin e shkathtësive të studentëve të turizmit dhe lidhjen e tregut të turizmit me prodhimet vendore e organizata të teknologjisë, dizajnit dhe botës digjitale në përgjithësi.

Po ashtu, për herë të parë në ngjarje të këtij lloji, studentët kanë prezantuar hulumtimet për kompanitë pjesëmarëse dhe lidhjen e tyre me tregun e punës.

Nën ideimin dhe implementimin e prof. Evliana Berani, ligjëruese e dy lëndëve të turizmit në Kolegjin “Pjetër Budi”, panairi është organizuar i tëri nga studentët, si një përvojë e mirë e lidhjes së fushës teorike me atë praktike të punës gjatë studimeve.

Puna e studentëve është çmuar lart nga përfaqësues të “Pjetër Budit”, ndërkaq Leonora Kusari, këshilltare e lartë për bizneset e vogla dhe të mesme pranë Bankës Evropiane për Rindërtim dhe Zhvillim ka prezantuar mundësitë që ofrohen për zhvillimin e bizneseve në Kosovë. Panairi është vizituar nga qytetarë të shumtë.

” Nismat e tilla janë të rëndësishme për prodhimin e kuadrove dhe avanzimin e fushës së turizmit. Pa ndërlidhjen e botës akademike me kuadrot e tyre të ardhshme, hapsira dhe mundësitë për zhvillimin e sektorit të turizmit do të ishin shumë më të reduktuara”, ka thënë Ruzhdi Kurtishaj, Kryetar i Shoqatës së Turizmit të Kosovës.

Na ndiqni ose bëni share postimet tona

Share this:

Më se 150 studiues në konferencën shkencore të bashkorganizuar nga “Pjetër Budi”

Më se 150 autorë, me rreth 80 punime shkencore, kanë marrë pjesë në konferencën ndërkombëtare me temë “Roli i arsimit dhe shkencës në zhvillimin ekonomik të vendeve të regjionit” e cila është mbajtur në Ulqin të Malit të Zi, bashkorganizuar nga Instituti për Hulumtime Shkencore dhe Zhvillim nga Ulqini me Kolegjin “Pjetër Budi” dhe institucione të tjera. Studiuesit pjesëmarrës kanë qenë nga Kosova, Shqipëria, Maqedonia, Mali i Zi, Serbia e Hungaria, ndërkaq “Pjetër Budi” është përfaqësuar nga profesorët Seadin Xhaferi, Naser Raimi, Haqif Arifi, Fitim Maçani e Elizabeta Murati.

Qëllimi i konferencës ishte që, nga këndi shkencor të analizojë përpjekjet, sfidat dhe mundësitë e e zhvillimit ekonomik të vendeve të rajonit , respektivisht fokusimi i qartë dhe thelbësor i kontribuesve që nëpërmjet punimeve shkencore të trajtojnë temën në aspektin shumëdimensional, duke i përfshirë të gjitha sferat e jetës shoqërore dhe ekonomike.

Konferenca ka bërë bashkë shkencëtarë, akademikë dhe ekspertë të fushave të ndryshme me qëllim që të gjithë të mund t'i zgjerojnë njohuritë e tyre specifike dhe të përgjithshme dhe të shkëmbejnë ide dhe mendime mbi rolin e arsimit dhe shkencës në zhvillimin ekonomik. Po ashtu, konferenca ishte një forum ndërdisiplinor për studiuesit, praktikantët dhe profesorët pjesëmarrës, por edhe për hulumtuesit, pa lënë anash diskutimet për inovacionet, tendencat, shqetësimet dhe sfidat e hasura në krijimin e një shoqërie moderne dhe zgjidhjet e mundshme të investimeve për zhvillimin ekonomik.

Punimet e prezantuara iu takonin fushave të ndryshme, si shkencave ekonomike, juridike, politike, marrëdhënieve ndërkombëtare, diplomacisë, gazetarisë, teknologjisë informative dhe komunikuese, integrimeve evropiane etj.

Na ndiqni ose bëni share postimet tona

Share this:

Përfundon praktikën grupi i parë i studentëve të “Pjetër Budi”-t

Grupi i parë prej 10 studentëve të Kolegjit “Pjetër Budi” ka përfunduar praktikën tremujore me pagesë në institucionet e Kosovës, për t;i lënë radhën grupit tjetër të studentëve. Grupi i parë për tre muaj ka punuar në terminalet doganore të Kosovës, falë memorandumit të bashkëpunimit të nënshkruar ndërmjet Ministrisë së Financave të Republikës së Kosovës dhe Kolegjit “Pjetër Budi”. Studentët janë shprehur të kënaqur me praktikën e kryer dhe kanë falënderuar “Pjetër Budin” për mundësinë e dhënë.
Verlindë Mehmeti, e cila e ka kryer praktikën në ZBD Dheu i Bardhë, ka pasur mundësinë që të punojë në të gjithë sektorët – që nga administrata, deri në kontroll të mallit. “Kam përfituar shumë nga kjo përvojë”, thotë ajo.
E kënaqur është shprehur edhe Nermina Salihaj, studente në Master Menaxhment, duke thënë se praktika po i ndihmon shumë për të fituar përvojë të punës. Ndërkaq Jonxha Janova, e cila ka studiuar në programin Doganë dhe Shpedicion e ka kryer praktikën në Aeroportin e Prishtinës.
“Ishte një përvojë e mrekullueshme”, shprehet ajo.
Përvojë interesante thotë të ketë fituar edhe Valon Neziri, i cili është shprehur i kënaqur për mundësinë e ofruar.
Gjatë kohës së praktikës, studentët e Kolegjit “Pjetër Budi” janë përzgjedhur edhe për të qenë pjesë e një projekti të Bankës Botërore që kishte të bënte me hulumtimin për kohën e
zhdoganimit të dërgesave në import-eksport, respektivisht identifikimin e shkaqeve për vonesat e mundshme.
Një ndër synimet kryesore të Kolegjit “Pjetër Budi” është që studentët, përveç anës teorike, t;i përgatisë edhe në aspektin praktik, në mënyrë që ata të jenë sa më të aftë për punën që do ta bëjnë. Me programet akademike unike, “Pjetër Budi” është një ndër institucionet më prestigjioze të arsimit universitar në rajon
Na ndiqni ose bëni share postimet tona

Share this:

Besim Ajeti luan rolin kryesor në filmin “Gjumë dhe dashuri”

Filmi, i cili së shpejti do të jetë në duar të selektorëve të festivalit prestigjioz Berlinale, është subvencionuar vitin e kaluar nga Qendra Kinematografike e Kosovës.
Aktori Besim Ajeti, themelues i Kolegjit “Pjetër Budi”, luan rolin kryesor në filmin “Gjumë dhe dashuri”, xhirimet e të cilit kanë
përfunduar para pak ditësh. Filmi me skenar të Arsim Halitit e Arian Krasniqit, regji të Arsim Halitit dhe me producent Valon Bujupin është një dramë komplekse familjare.
Në qendër të filmit “Gjumë dhe dashuri” është Astriti, i cili bën çka është e mundur për të shëruar vajzën e tij, Zanën, e cila prej muajsh ka rënë në koma si pasojë e një aksidenti. Në momentin kur Astriti vendos ta shesë edhe shtëpinë për ta dërguar vajzën e tij jashtë vendit, mjekët zbulojnë se Zana është shtatzënë. Ky lajm e trondit Astritin dhe ai bie në konflikt me gruan e tij, në përpjekje për të zbuluar se me kë ka mbetur shtatzënë Zana. Astriti vihet në kërkim të babait të fëmijës së palindur e që vazhdon të rritet në barkun e vajzës, e cila është në koma.
Aktori Besim Ajeti ka mbaruar Akademinë e Arteve, Dega e Aktrimit në Prishtinë, si dhe studimet e magjistraturës në Fakultetin e Arteve të Universitetit të Prishtinës. Që nga viti 1997, në periudha të ndryshme kohore, ka drejtuar institucione të ndryshme artistike. Gjatë viteve 1997-1998 ishte drejtor i Teatrit Alternativ të Prishtinës, i themeluar bashkë me emra të shquar të skenës kosovare, si Enver Petrovci, Fatos Berisha, Rafet Rudi etj. Në vitin 2002, Ajeti ka themeluar festivalin e filmit FestFilm Kosova “Hyjnesha në Fron”.
Ndërkaq, në vitin 2005 ka themeluar Kolegjin “Pjetër Budi” dhe tash është drejtor i Bordit të kolegjit. Ka luajtur në shumë shfaqje
tatrore, si “Odisea shqiptare”, ”Të mallkuarit”, “Aromë portokalli”, “Kush më ka faj që jam shqipëtar”, “Oh Karmela” etj, si dhe në filma dhe seriale televizive: “Shtëpia e Tmerrit”, “Jeta e një toke”, “Kaqurrelat” etj.
Në filmin e fundit “Gjumë dhe dashuri”, përveç Ajetit luajnë edhe Anisa Ismaili, Selami Taraku, Hysen Binaku, Verona Hoxha, Besfort Berberi, Alban Goranci, Luljeta Bajraktari, Bislim Muçaj etj.
Na ndiqni ose bëni share postimet tona

Share this:

Granit Xhaka vizitoi Kolegjin “Pjetër Budi”

Vizitën e tij në Kosovë, futbollisti i Arsenalit dhe i Kombëtarës së Zvicrës, Granit Xhaka, e ka shfrytëzuar edhe për të vizituar Kolegjin “Pjetër Budi” ku, përveç stafit të institucionit, është pritur edhe nga qytetarë. Në një atmosferë relaksuese, ai ka bashkëbiseduar me ta për rrugën drejt suksesit, por edhe për të ardhmen e tij në klubin anglez.

Dekani i “PjetërBudit”, Hashim Rexhepi, e ka falënderuar Xhakën për vizitën, duke i uruar suksese në klubin e ri. Rexhepi tha se Xhaka është model për të gjithë të rinjtë se ata mund të arrijnë suksese me punë e përkushtim.
Duke folur për të arriturat e tij në futboll, Xhaka ka thënë se për suksesin nuk mjafton vetëm talenti, por duhet punë serioze në mënyrë që të arrihet sukses.
Nuk është hera e parë që Xhaka viziton Kolegjin “Pjetër Budi”, duke e dëshmuar miqësinë me studentët e këtij institucioni. Ai është një model suksesi për ta.

Në fund të vitit 2013, Xhaka është nderuar nga “Pjetër Budi” me “Medaljonin e Artë”, me motivacionin “Përmjeshtrinë e dëshmuar në artin e futbollit dhe promovimin e shtetit të Kosovës në botë”.

Në klubin e Arsenalit, Xhaka është transferuar para dy muajsh nga Borussia Monchengladbach.

Na ndiqni ose bëni share postimet tona

Share this:

Diplomoi gjenerata e re e Kolegjit “Pjetër Budi”

Gjenerata e re e studentëve të Kolegjit “Pjetër Budi” ka diplomuar të shtunën, në një ceremoni solemne të organizuar në Sallën e Kuqe të Pallatit të Rinisë dhe Sporteve në Prishtinë. Studentët e diplomuar kanë përfunduar studimet në nivelet Bachelor e Master, në programet Doganë dhe Shpedicion, Administrim Biznesi, Menaxhim i Turizmit e Hotelerisë, Sigurime, Menaxhment dhe Menaxhim i Sigurimeve.

 

Dekani i “Pjetër Budit”, Prof. Dr. Hashim Rexhepi, në fjalimin e tij tha se studentët e kanë përmbushur një etapë shumë të rëndësishme të jetës – përfundimin me sukses të studimeve, si dhe i kanë përmbushur të priturat profesionale e akademike – e mbi të gjitha ato njerëzore. Por, sipas tij, arsimimi nuk ndalet pasi studentët të kenë diplomuar në kolegj.

 

“Thellimi i diturisë është një detyrë njerëzore, është diçka që e çon përpara jetën tuaj. Sepse vetëm nëpërmjet arsimimit të vazhdueshëm ne i shtojmë njohuritë tona njerëzore. Sepse nëse ndalet të mësuarit, do të ndalej progresi i njerëzimit, do të ndalojë zhvillimi shoqëror e prosperiteti ekonomik”, tha Rexhepi.

 

Sipas tij, asnjëherë nuk duhet ndjekur shtegun apo rrugën e tjetrit. “Duhet të ndiqni pasionin dhe zemrën tuaj. Sepse nëse gjendesh në një pyll dhe të duket se je i humbur dhe e sheh një shteg drite, me siguri se atë do ta ndjekësh”, i porositi ai studentët.

 

I ftuari në këtë ceremoni, shkrimtari e gazetari Ibrahim Kadriu, iu tha studentëve se diplomimi është vetëm fillimi i një rrugëtimi të gjatë në jetë, ndërkaq në emër të Organizatës Studentore të Kolegjit “Pjetër Budi” foli studenti Valon Neziri.

 

Me dy pika muzikore u paraqit sopranopja Ardita Ukaj, e përcjellë në piano nga prof. Naser Dula.

 

Ky vit akademik është i njëmbëdhjeti me radhë i funksionimit të Kolegjit “Pjetër Budi”, i cili shquhet për ofrimin e studimeve universitare në programe akademike zhvillimore.

Na ndiqni ose bëni share postimet tona

Share this:

https://www.facebook.com/KolegjiPjeterBudi/?_rdc=1&_rdr
https://www.facebook.com/KolegjiPjeterBudi/?_rdc=1&_rdr
https://twitter.com/pjeter_budi
https://www.instagram.com/kolegjipjeterbudi/