Loading

Kategori: Aktivitete

PARAQITJA E PROVIMEVE


Sot, data 17.01.2019 ora 17:00 përfundon paraqitja e provimeve për afatin e janarit 2019.

• Paraqitja e provimeve bëhet ONLINE. Nëse hasni në ndonjë pengesë, studenti mund të kërkojë ndihmën e Administratës duke na shkruar në email: sherbimiadm@gmail.com, më së largu deri ora 16:00.

VËREJTJE: pauza e stafit administrativ ora 13:00-14:00.

• JU LUTEM VËMENDJE

• Provimet mund të paraqiten vetëm deri me datën 17.01.2019 ora 17:00.

Nuk do te ketë paraqitje pas orë 17:00.

Na ndiqni ose bëni share postimet tona

Ekipi “New Born 2”, u shpallë fitues i sezonit të dytë të “Kuizit të diturisë”, të organizuar nga Kolegji “Pjetër Budi”

Pas një gare të ngushtë, ekipi “New Born 2”, u shpallë fitues i sezonit të dytë të “Kuizit të diturisë”, të organizuar nga Kolegji “Pjetër Budi”. Për pesë javë, 7 ekipe, me nga 3 persona, zhvilluan një garë të fort për fitimin e vendit të parë në kuizin e diturisë. Kuizi u organizua në pesë fusha të ndryshme të ndara në sesione javore, sipas kësaj ndarjeje: 1. Sport, 2. Art, film dhe muzikë, 3. Histori, 4. Gjeografi, dhe 5. Enciklopedi botërore.
Ekipi “New Born 2”, në përbërje të të cilit ishin studentët: Samir Rexhepi, Agnesa Selmani, dhe Adis Rakipi, treguan se janë ndër studentët më të mirë dhe se kanë njohuri të larta për fushat e përgjithshme shoqërore. Vendin e dytë e fitoi ekipi Dream Team , në përbërje të të cilit ishin studentët Luftrim Kadrijaj, Andi Beqiri , ndërsa vendin e tretë ekipi Los Blancos , i cili përbëhej nga studentët Lulkuqe Ajeti, Dren Leci dhe Jetmir Haziri.
Për shkak të barazimit vendin e tretë e ndan edhe ekipi Zona 3, në përbërje të të cilit ishin studentët Altrinë Brahimi, Blerina Ahmetaj dhe Leotrim Halilaj.
Kuizi i diturisë, tashmë është bërë tradicional dhe do të organizohet çdo vit në Kolegjin Pjetër Budi” – Prishtinë.
Kolegji i uron ekipit “New Born 2” fitimin e vendit të parë, dhe të gjithë pjesëmarrësve tjerë ju dëshiron suksese në eventet tjera

Na ndiqni ose bëni share postimet tona

Dita e dhurimit të librit

Kolegji ” Pjetër Budi ” vazhdoi traditën e organizimit 
të ditës së dhurimit të librit

Me moton “Libri është burim i diturisë”, më datën 11.01.2019, në Kolegjin “Pjetër Budi”, u organizua “Dita e dhurimit të librit” . 
I gjithë stafi akademik dhe administrativ i Kolegji, iu përgjigjën ftesës për t’u bërë pjesë e këtij eventi. Më këtë rast biblioteka e Kolegjit u pasurua me libra të rinj nga fusha e menaxhmenti, ekonomisë, ndërmarrësisë, dhe libra nga lëmi i drejtësisë. 
Me organizimin e këtij aktiviteti, Kolegji ka ngritur çështjen e rëndësisë së librit për shkencën dhe diturinë në përgjithësi. Ambienti i mrekullueshëm i bibliotekës së Kolegjit, mbetet vendi më i preferuar i studentëve për mësimxënie, e pasuruar tashmë edhe me tituj të ri të profesorëve të njohur

Na ndiqni ose bëni share postimet tona

Dita e Teknologjisë Informative

Kolegji “Pjeter Budi” organizon për herë të parë Ditën e Teknologjisë Informative. Ky aktivitet shënon një risi në kuadër të aktiviteteve te kolegjit ” Pjeter Budi “. Në kuadër të këtij aktiviteti do të organizohet loja “Who is the Best Gamer”. Një mundësi që të rinjët të sprovohen në lëminë e Teknologjisë bashkohore me një aktivitet mjaftë atraktiv.

Në këtë garë janë të lirë të marrin pjesë të gjithë studentët. Gara do të organizohet në sallën e IT- Salla nr 26, ditën e mërkurë, më 16.01.2019 në ora 15:00.

Loja ka nje karakter garues ” Kompletimin e Puzzle -it. Në sipërfaqe do te jenë pjesë të një figure ku kompletimi i këtyre pjesëve do ta formoj figurën e fshehur në këto pjesë. Çdo figurë e kompletuar ka një pamje të veçantë e cila do të shfaqet me mbarimin e kompletimit të Puzzle-it. Pra kreativiteti juaj dhe zhvillimi i logjikës suaj vjen në shprehje përmes kësaj loje.

Në këtë rast secili student do të ballafaqohet me një lojë kompjuterike dhe ai i cili grumbullon me tepër pikë do të shpallet fitues i lojës ” Who is the Best Gamer “.

Pra studentë të nderuar ju ftojme sa me masovisht të merrni pjesë në këtë aktivitet në mënyrë që të kemi një konkurrencë dhe atraktivitet në kuadër të këtij aktiviteti

Na ndiqni ose bëni share postimet tona

AKSION I DHURIMIT VULLNETAR TË GJAKUT NË KOLEGJIN “PJETËR BUDI”

Me moton “E bëj atë që do të dëshiroja ta bënin të tjerët nëse vetë do të kisha nevojë për gjak”, Kolegji “Pjetër Budi” gjithmonë i ka dalë në ndihmë Qendrës Kombëtare të Transfuzionit të Gjakut duke mundësuar organizimin e dhurimit vullnetar të gjakut mbrenda objektit te saj.

Numër i madh studentësh, pjesëtarë të stafit akademik, administrativ e menaxhues çdo herë i përgjigjen aksionit për dhurimin vullnetar të gjakut që zhvillohet deri në 3 herë mbrenda një viti akademik. Studenti i parë dhe i rregullt në qdo aksion është Qëndrim Tërnava.

Gjaku është jetik. Gjaku nuk mjafton kurrë. 
Ftohen stafi, studentët dhe komuniteti i lagjes që ti bashkangjiten këtij akti të thjeshtë personal, me vlera të mëdha humane dhe civile.

Na ndiqni ose bëni share postimet tona

Kolegji “Pjetër Budi” bëri dorëzimin e mjeteve monetare të grumbulluara nga aktiviteti humanitar

 

Të enjten, më 20 dhjetor 2018, Kolegji “Pjetër Budi” bëri dorëzimin e mjeteve monetare të grumbulluara nga aktiviteti humanitar për shoqatën e cila përkujdeset për fëmijët më sindrom down.

Me 27 nëntor 2018, Kolegji “Pjetër Budi” ka organizuar ditë humanitare, qëllimi i së cilës ishte t’u ndihmojë fëmijëve me sindrom down.

Në Kolegj ishin prezent zyrtarët e shoqatës, të cilët e falënderuan Kolegjin për këtë aktivitet. Ata shprehen interesimin që edhe në të ardhmen të bashkëpunojnë me Kolegjin për organizmin e aktiviteteve të ngjashme.

Një ndihmë e vogël e jona do të thotë shumë për fëmijët me sindrom down!

Na ndiqni ose bëni share postimet tona

Kolegji “Pjetër Budi” organizoi ditë humanitare

 

 

 

Kolegji si institucion i Arsimit të Lartë përveç veprimtarisë kryesore, mësimdhënies apo shkollimit të kuadrove dhe kërkimeve shkencore, për të përmbushur detyrimet e veta ndaj komunitetit dhe përgjegjësin sociale të korporatave, organizon kampanja të ndryshme me mision humanitar.

Të martën, më 27 nëntor 2018, Kolegji “Pjetër Budi” organizoi ditë humanitare, qëllimi i së cilës ishte t’u ndihmojë fëmijëve me sindrom down. Stafi dhe studentët e Kolegjit kanë përgatitur ushqime të ndryshme për qëllime humanitare. Ushqimet e përgatitura janë shitur me çmim simbolik dhe mjetet e grumbulluara kanë mision humanitar – u dedikohen fëmijëve, komunitetit me sindrom down.
Ky aktivitet humanitar zgjati tërë ditën dhe u grumbullua një shumë e konsiderueshme e mjeteve financiare.

Një ndihmë e vogël e jona do të thotë shumë për fëmijët me sindrom down

Na ndiqni ose bëni share postimet tona

Ditë humaniteti në Kolegjin “Pjetër Budi”

 

Me moton “Një ndihmë e vogël e jona do të thotë shumë për fëmijët me sindrom down”, Kolegji Pjeter Budi, të martën, më 27 Nëntor 2018, organizoi ditë humaniteti .

Gjatë kësaj dite Administrata nuk do të ofrojë shërbime për studentët, por ligjëratat do të vazhdojnë në mënyrë të rregullt.

Studentëve dhe profesorëve do t’u ofrohen produkte ushqimore me çmime të arsyeshme ( të pregaditura nga stafi administrativ dhe akademik i Kolegjit) , ndërkaq mjetet financiare që grumbullohen nga shitja e produkteve do t’iu dedikohen fëmijëve të prekur me sindrom down.

Aktiviteti do të zgjasë gjatë tërë ditës. Ditës së humanitetit mund t’i bashkohen edhe studentët , duke kontribuar në forma të ndryshme – qoftë duke sjellë ndonjë ushqim ose vetëm duke u shoqëruar dhe dhënë përkrahje morale.

Ju mirëpresim!

Na ndiqni ose bëni share postimet tona

U organizua Ceremonia e diplomimit të studentëve për vitin akademik 2017/2018

Kolegji “Pjetër Budi” – Prishtinë, me datën 29 shtator 2018, organizoi “Ceremoninë e diplomimit të studentëve për vitin akademik 2017/2018”.
Këtë vit diplomuan studentët e katër programeve studimore në studimet baçelor të gjeneratës 2015/2016: Doganë dhe Shpedicion, Menaxhim i Turizmit dhe Hotelerisë, Administrim Biznesi dhe Sigurime, si dhe Programi Master Menaxhment i gjeneratës 2016/2017.
Ceremonia e diplomimit është një event tradicional që organizohet Kolegji “Pjetër Budi”, për të kurorëzuar punën tri vjeçare të studentëve të programeve baçelor dhe punën dy vjeçare të studentëve të masterit.
Ceremonia u mbajt në një ambient të bukur në amfiteatrin sportiv dhe artistik afër pishinës në Parkun e Gërmisë.
Përveç studentëve që ishin madhështorë, në ceremoni morën pjesë një numër i madh i mysafirëve dhe familjarëve të studentëve.
Dekani i Kolegjit Prof. Ass. Dr. Orhan Çeku, duke ju drejtuar studentëve theksoi “Gjatë viteve të studimit, Ju të dashur studentë, keni arritur nivel të lartë të edukimit profesionale dhe shkencor, jeni pajisur me dije dhe shkathtësi nga fusha e Doganës dhe Shpedicionit, menaxhimit të turizmit dhe hotelerisë, administrim biznesit dhe sigurimeve. Tregu i punës në Kosovës ka nevojë për juve – Ju i duheni këtij vendi”. Ai më tej theksoi se “Kolegji “Pjeter Budi”, është i nderuar që ju ka pasur juve studentë, dhe do të jetë përherë Institucioni juaj, vendi ku jeni shkolluar dhe edukuar, do të jetë referencë për juve”.
E veçanta e kësaj ceremonie ishte ndarja e çmimeve “Student i dalluar”, për studentë të cilët kanë arritur rezultate më larta në mësim. Driton Kameri nga Programi Doganë dhe Shpedicion, Blerta Murseli nga Programi Menaxhim i Turizmit dhe Hotelerisë si dhe Sadik Hajdari nga Programi Sigurime ishin studentët që morën çmimin “Student i dalluar”.
Kolegji “Pjetër Budi”, i Uron të gjithë studentët për diplomimin dhe ju dëshiron shëndet, mirëqenie sociale dhe suksese në punë!
Kolegji “Pjetër Budi”, është i përkushtuar për të ofruar arsim cilësore të standardeve evropiane dhe në përputhje me kërkesat e tregut të punës.

Na ndiqni ose bëni share postimet tona
pjeterbudi@gmail.com
https://www.facebook.com/KolegjiPjeterBudi/?_rdc=1&_rdr
https://twitter.com/pjeter_budi
https://www.instagram.com/kolegjipjeterbudi/
GOOGLE
https://pjeterbudi-edu.com/category/aktivitete">